كلمات دائما اسمعها (لييييييش تشبكين ) ..(هذا اللي خلاج تسقطين) ..(أنتي 24 ساعه شابكه )..
لما اسمعها اتضايق واحيان ابجي حاولت انسى اني سقطت ومع الوقت بديت انسى واستفدت منها اني اشبك بس وقت الامتحانات ابعد عن النت ..وبعدين مليت منه وقمت اخفف ..و بحثت كثير بقوقل عن سبب الادمان يمكن نص الاسباب موجوده فيني ..
بس النت رغم انه كان سبب سقوطي الا اني دايما اردد هالجمله (عسى من ورد النت للجنه هع )
بصراااااااحه النت فتح لي ابواب كثير عدد من الاصدقاء اللي ماكنت احلم انه يكون عندي اصدقاء بالعدد هذا
لو اجي للواقع منو رفيجاتي ....لاتزعلين يا sheisme هذا الصج انا ماعندي اصدقاء ويمكن عندي بس انا موحاسه بالشئ هذا موحاسه او يمكن عندي اصدقاء بس مو بالمستوى اللي ابيه ابي ضحك وناسه وسوالف بالمسن والتلفون غير اللي بالنت لاغبت الكل فقدني اما بالواقع جيت ماجيت مومهم ..اللي بالنت اسولف معاهم وانا ماخذه راحتي ونستهبل وناسه اما بالواقع كل شئ له حدود ولامايشبكون كل يوم واذا شبكو يا (اوف لاين ) يا (بزي ) ..مو عن يشبكون ومايشبكون الحياه مع اصدقاء الواقع قريبه للملل
لانه علاقه رسميه علاقه كتب او شرايج بدكتور الفلاني او جم وحده خلصتي ومتى تتخرجين ومن هالكلام
بصرااااااحه مرات بيني وبينكم ازهق ولما ادخل اميلي رفيجاتي موشابكين بس اللي شابكين اصدقاء الانترنت ..يمكن شئ غريب بصراحه انا غابو اصدقاء الواقع عادي عندي اما اذا غابو اصدقاء النت اتضايق <<يمكن تقولون هذي موصاحيه ولاشفيها
ايي انا موصاحيه لاني تعلقت بخيال بصور رمزيه وتواقيع لانه النت اهو الشئ الوحيد اللي يربطني فيهم ..لاني لقيت بالنت اللي مالقيته بواقعي ناس تسأل عني تشتاق لي ..تصادقني موعشان كتاب ولادكتور عشاني انا عشان تعاملي معاهم ومواضيع بالمنتديات اللي مشاركه فيهم ..صح الصداقه بالنت مومضمونه وممكن تسبب مشاكل بس انا موقاعده اضيف شباب كلهم بنات وصارلي معاهم سنه ونص وعلاقتي معاهم من اروع مايكون واعرف ارقام تلفوناتهم بس اخاف ادق لوووووول :p وطبعا اهم مايعرفون الا اسمي وين ادرس وين بيتنا وانا بعد اعرف عنهم هالاشياء شكرا لاصدقاء النت على الصداقه الحقيقه وشكرا لاصدقاء النت على الصداقه الرمزيه :p
بس وحده ياليت ظروف دراستها تسمح او ياليت كنت بكليتها او اهي بكليتي صج هالانسانه اخت وصديقه اهي اقرب وحده لي من صديقات الواقع والله لايحرمني منها اهي غيرررررررررعن الباقي واعتز بصداقتها واهي حيل طيبه وحبوبه والله يحفظها ويوفقها اهي sheisme
لووووووووول سوري لاني شوي حشيت بأصدقاء االواقع بس هذا الصج
الله لايحرمني من صديقات النت .................................والواقع :/
2 التعليقات:
حبيبتي إنتي
أنتي حسبة اختي
بس لي تعقيب بسيط
الي ذكرتيهم .. صديقات الكتب والدكاترة .. عفوا اسمحيلي .. مو صديقات ..
وبالنسبة لصديقات النت .. هم عندي تحفظ
بس نصيحتي لا تتعلقين فيهم واايد .. لا يطغى هالشي على الأشياء الثانية
أنا أدري ليش انتي متعلقة بالنت .. وقلتلج الحل وتناقشنا فيه أخر مرة كلمتج ..
وبالنسبة حق سقوطج .. انا ما أدري ليش انهزيتي هالكثر .. انا الي جدامج الحين عايدة نفس المادة الي سقطتي فيها .. ما عديتها .. يعني شلون أتحطم وأنهز هالكثر .. طبعا لا ..
اتمنى تستمرين بالتدوين .. حبيبتي^^
وترا سويت الي قلتيلي ونسيييييته .. بس يوم قريت تذكرت^^
توني أركز على عنوان البوست
ليش أزعل؟ أفاا عليج بس
انتي اكثر وحدة عارفة اني لا يمكن أزعل عليج
تصدقين؟
تو طرا ابالي شي .. بس ما ينفع أقوله هني
إرسال تعليق